Enoch主題詩歌 - February 2024

我哋好多人都一直尋求愛，係地上尋尋覓覓，但大家有冇諗過，點解地上嘅愛唔完美？地上嘅愛總係會變呢？但係呢個世界上有一種愛係永遠都唔會變，就係神聖的愛（又稱Agape的愛），係永不止息嘅愛 。

我哋點解知道佢嘅愛係永遠唔會變？因為呢份愛係嚟自完全嘅神，佢俾我哋嘅愛係永永遠遠，係完美嘅，經文耶利米書31章3節講過「我以永遠的愛愛你」。 佢嘅愛係唔受時間、空間、知識、能力限制。佢嘅愛係永不止息。當我哋失意孤單嘅時候，佢永遠都係我哋身邊，永遠都唔放棄我哋。 

你知唔知，因為我哋世人敗壞，所以神係二千幾年前send 佢獨生兒子耶穌嚟到世上，為左我同你，為左愛我哋，耶穌承受左啲咩苦難？如果你已經聽過耶穌嘅故事，不防趁呢個機會一邊聽下呢首歌，一邊認真諗下既然神嘅愛咁好，點解世界上咁多人唔接受呢份愛呢？而我哋又願唔願意接受呢份愛呢？

關鍵就在於我哋嘅有限；我哋無法以我哋有限嘅智慧、知識、能力、以及時間嚟明白呢位完全的神。但係耶穌為我哋犧牲左自己去救贖我哋就說明左耶穌基督賜俾我哋呢啲奇妙嘅祝福，藉以顯示佢對我哋嘅愛。經文羅馬書5章8節咁講「惟有基督在我們還作罪人的時候為我們死，神的愛就在此向我們顯明了。」因為我哋每個人對耶穌同天父嚟講都十分特別。

既然知道佢咁愛我哋，我哋只需要接受同埋回應番佢就可以。

我哋知道佢非常愛我哋，我哋亦要用同樣嘅愛心去愛身邊嘅人。我哋愛身邊嘅人時，就係向耶穌表示我哋都愛佢。願大家都接受呢份愛同埋係裡面得到心靈上嘅滿足 。

《祢永遠如此深愛着我》 作詞/作曲：曾祥怡 Grace每滴寶血為我而流每個刑罰為我承受恩典如海 四面環繞失望羞愧時 祢仍擁抱著我

主耶穌 祢永遠如此深愛著我十架上釘痕的手告訴我 祢永不放棄我

主耶穌 祢永遠如此深愛著我不論是生命或死亡 困苦患難逼迫都不能叫我與祢愛隔絕

🤗🙏🏻😇❤️

EST (Enoch Singspiration Team)