想要談一埸天長地久的愛💖但問世間情又為何物呢?🤷‍♂️

5月20號 - 520 係近期流行一個非正式既情人節。520用國語講既時候，聽落同我愛你相似。就係咁簡單, 就變成咗一個男人頭痛，女人心動既日子。係呢一日為所愛之人，出錢出心思係少不免。渴望越為對方付出，就越能換到對方既愛。

自古以來，人類就係一種渴望得到愛既生物。大部人都希望一生中能夠談一埸天長地久既愛情，但問世間情又為何物呢?

筆者想分享一下對愛其中一種睇法。(利申:本人已結婚，感謝 神和太太感情好好。)

有人話愛係對另外一個人有一種好強烈，好激情，不能分開既感覺。呢個講法都啱.....不過激情過後,你又情歸何處呢? 對筆者而言，愛其中一種睇法，就係 "不斷堅持既決定" 😤對另一個人既感覺，(對唔住，我要打破一啲人既幻想) 係無可能每時每刻都帶著激情。試想想，當你工作完好攰，夜晚做完唒家務终於可以訓個陣，你發現你丈夫/太太已經訓咗，仲要打鼻鼾.... 你會即刻乜激情都無唒.....well....可能會仲有...不過係"激"氣個激。(我老婆近排要經歷既事情)。當激情退卻時，能維繫感情既就係不斷堅持既決定。當決定愛一個人時，就不斷堅持愛到低。其實每一日都可以從新選擇去再愛唔愛對方，而你每日都堅持選擇去愛對方，呢個就係一種真愛。

同樣地，我地所信既 主耶穌對我地就係一種真愛 。"為義人死是少有的，為仁人死或者有敢做的； 唯有基督(耶穌)在我們還做罪人的時候為我們死，神的愛就在此向我們顯明了。"(羅馬書 5:7-8) 坦白講，我地每日都會係大大小小既事情上面得罪激嬲 神(耶穌)。但 耶穌由古至今都不斷堅持愛我地，甚至寧願犧牲自己性命，都要救我地脫離罪，脫離地獄。呢一種對筆者而言，就係真愛。"....他 既 然 愛 世 間 屬 自 己 的 人 ， 就 愛 他 們 到 底 。" 約 翰 福 音 13:1b

最後筆者祝願每一個人都可以係520搵到真愛💗